Google ADS

Konfirmon Policia e Kosovës: Sadri Ramabaja është arrestuar mbrëmë në Durrës

18:06 | 7 Tetor 2017
Arbresh.info

Policia e Kosovës në një përgjigje për lajmi.net e ka konfirmuar se ish-kandidati për deputet i Vetëvendosjes, Sadri Ramabaja është ndaluar dje në pikën kufitare të Durrësit.
Ramabaja është i dyshuar nga Prokuroria Speciale e Kosovës për përgatitje të vrasjeve të përfaqësuesv të lartë.

“Mund të konfirmojmë se personi me inicialet S. R. shtetas i Republikës së Kosovës, është ndaluar mbrëmë nga autoritetet e Shqipëris në pikën kufitare dalëse të Durrësit. Këto informacione Policia e Kosovës i ka siguruar nga autoritetet e Shqipërisë, me të cilët është në kontakt për procedura të mëtutjeshme lidhur me rastin”, ka thënë për lajmi.net zëdhënësi i Policisë së Kosovës, Baki Kelani.

Ramabaja dyshohet se ka pasur pasaportë dhe leje qëndrimi franceze të falsifikuar.

Ai ka pasur të paraqitet në Prokurorinë Speciale ditën e hënë.

Lajmi.net nga burimet brenda policisë merr vesh se Sadri Ramabaja ka synuar të ikë në Itali.

 

 

Shpërndaje në rrjete sociale

Lajmet më të lexuara

Të ngjashme

Foto lajm